Spánn Torrevieja Falleg og rúmgóð 2 svefnherb. íbúð í Torrevieja

Hafsteinn Már Másson

Falleg og rúmgóð 2 svefnherb. íbúð í Torrevieja

Spánn Torrevieja Residential Europa, Fase 2, Torrevieja

Verð frá €55 nóttin (meira)

Íbúð með tveimur svefnherbergjum í Torrevieja á Spáni.  Frábær staðsetning þar sem allt er í göngufæri.  Aðeins 10 mín. gangur er í miðbæ Torrevieja þar sem markaður er alla daga vikunnar og tívolí.  Aðeins 20 mín. gangur á stöndina og vatnsrennibrautargarður (Aquopolis) í um 15 mín. göngufæri. Verslanir og föstudagsmarkaðurinn er í  5-10 mín. göngufæri

Íbúðin er á efri hæð í raðhúsi. Hún skiptist í stofu, eldhús, baðherbergi og tvö svefnherbergi og er um 60 m2. Íbúðin er með loftkælingu (air conditioning). Upphitun yfir vetrartímann er með vatnsofnum (hitað upp með gasi) og eða með air conditioning. Íbúðin er öll flísalögð.
Gengið er inn á sólverönd með glerhýsi. Þar er borð og fjórir stólar. Mjög notalegt að sitja þar og fá sér morgunverð.
Í stofunni er 3ja sæta sófi og tveir stólar, borðstofuborð og 4 stólar, hillusamstæða, gerfihnattasjónvarp og DVD.

Bæði svefnherbergin eru mjög rúmgóð og er annað herbergið með tveimur rúmum og góðum skáp en hitt með hjónarúmi og góðum fataskáp. Ungbarnarúm er til staðar. Baðherbergi er flísalagt í hólf og gólf og er með baðkari og sturtu. Í báðum svefnherbergjunum og stofunni er viftur. Rúmföt á öllum rúmum – tveir umgangar.

Í eldhúsi er ísskápur með frystihólfi, eldavél með bakarofni, örbylgjuofn og borðbúnaður fyrir sex manns, pottar og pönnur, brauðrist, lítill rafmagnsþeytari og annað tilheyrandi sem á að vera í eldhúsi. Handklæði, tuskur og viskustykki eru til staðar.
Inn af eldhúsinu er þvottahús með þvottavél og snúrum, straubolta og straubretti. Kolagrill er geymt í skáp í þvottashúsinu. Frá þvottahúsinur er gengið upp á sólþakið. Þar er borð með fjórum stólum, fjórir sólbekkir með dýnum og sturta. Frábær aðstaða til að liggja í sólbaði allan daginn.

Sameiginleg sundlaug er í læstum garði auk barnasundlaugar rétt hjá íbúðinni þar sem notaleg sólbaðsaðstaða er í yndislegu umhverfi. Gestir þurfa að koma með sín eigin strandhandklæði.

Stutt í alla þjónustu. Aðeins 10 mín. gangur niðu í miðbæ Torrevieja þar sem er stórt Tívolí sem gaman er að fara í og við hliðina á því er stór götumarkaður. Notalegt er að fara í miðbæinn seinni part dags, fá sér að borða á einum af þeim fjölmörgu veitingastaða sem þar eru og rölta um og skoða iðandi mannlífið.
Meðfram sjávarsíðunni er skemmtileg göngugata (pálmagata). Þar er mikið af frábærum veitingastöðum og mikið mannlíf.

Margar frábærar baðstrendur eru í um 20 mín. göngufæri. Frábær vatnsrennibrautagarður (Aquopolis) er í um 15 mín. göngufæri. Verslanir og föstudagsmarkaður er í 5-10 mín. göngufæri, (einn af stærstu mörkuðum á Spáni). Habaneras, ein stærsta verslunarmiðstöð á Costa Blanca svæðinu, er í ca. 10 mín. göngufæri en þar eru verslanir eins og Zara, Jack and Jones, Berskha, C&A;, H&M;, Intersport o.fl.

Frá flugvellinum í Alicante er aðeins 35 mín. akstur.

Upplýsingar um Torrevieja
Torrevieja er bær sunnarlega á hinni frægu Costa Blanca strönd, sem er ein lengsta strönd á Spáni (um 25 km löng). Íbúar í Torrevieja eru tæplega 100 þúsund en yfir sumartímann margfaldast sú tala.
Svæðið í kring um Torrevieja er ein vinsælasta sumarleyfisparadís Evrópu vegna þess að þar er besta veðurfar í Evrópu samkvæmt skýrslu Alþjóða Heilbrigðis stofnunarinnar (WHO)
Eitt af einkennum svæðisins eru tvö stór saltvötn, Salinas de Torrevieja og Salinas de La Mata. Þau eru hluti af friðuðum þjóðgarði með miklu og fjölskrúðugu fuglalífi, þar eru m.a. bleikir Flamingo fuglar sem mjög gaman er að skoða.
Þetta svæði er stærsta saltvinnslusvæði Spánar og hluti þess salts sem við Íslendingar flytjum inn kemur einmitt frá þessu svæði. Loftslagið á svæðinu kring um saltvötnin er talið sérstaklega hollt og gott fyrir þá sem kljást við húð- og öndunarsjúkdóma og hafa læknar víðs vegar um heim mælt með þessu svæði í lækningaskyni.
Torrevieja-svæðið er mjög þekkt og vinsælt meðal Íslendinga og það eru fjölmargir sem eiga þar íbúðir og dvelja þar stóran hluta ársins. Mikið líf er á svæðinu, hvort sem það er niður við strendurnar eða inn til landsins. Í Torrevieja er völ á alls konar afþreyingu, þar er hægt að fara í Go-Cart, fara í vatnsrennibrautagarðinn Aquapolis, Ozone leiktækjasalurinn býður upp á eitthvað við allra hæfi, fjöldi góðra golfvalla er í grenndinni, fjölmörg kaffihús og veitingastaðir og síðast en ekki síst þá er mikill fjöldi versluna,m.a. verslunarmiðstöðin Habaneras þar sem hægt er að finna allar þekktustu verslanirnar.

Afþreyingar
Habaneras: Við hliðina á Habaneras verslunarmiðstöðinni er Ozone leiktækjasalurinn. Þar geta allir fundið eitthvað við sitt hæfi. Keilusalur með 25 brautum, mikill fjöldi leiktækja, spila og ýmiss konar afþreyingu. Þarna eru 8 bíósalir og alls konar veitingastaðir.

Þjóðagarðurinn (Parque de las Naciones) – Í um 5 mín. göngufæri frá íbúðinni er þessi skemmtilegi frístundagarður. Garðurinn er í laginu eins og Evrópa og tileinkaður þjóðum þeirrar álfu. Eðalfínt að slaka á hér og margt að sjá og nóg um að vera fyrir börnin. Opinn frá 10 – 19 daglega. Enginn aðgangseyrir.

Vatnsleikjagarðuinn Aquapolis (Parque Acuático Aquapolis) – Einn af stærri vatnsleikjagörðum í Evrópu og hér geti börnin og eldri einstaklingar sem ungir eru í anda spriklað dögum saman. Hann er aðeins opinn yfir sumartímann og milli 11 og 18. Miðaverð 3500 fyrir fullorðna en 2600 fyrir alla minni en 1.40 á hæðina. Heimasíðan

Bryggjusporðurinn (Paseo Dique de Levante) – 1500 metra löng göngubryggja við höfnina í bænum og frægur skúlptur við endann. Yndislegur röltstaður ekki síst að kvöldlagi þegar ljósin kvikna í bænum.

Molino garður (Plaza de Molino) – Fallegur lystigarður í útjaðri bæjarins tileinkaður vindmyllum en þær voru algengar á þessu svæði áður fyrr.

Go-Cart: Rétt sunnan við Torrevieja er Go-Cart braut þar sem hægt er keyra á erfiðri braut á góðu verði. Brautin er við N-332 sveitaveginn og er við hliðina á Carrefour versluninni. Allar nánari upplýsingar er að finna á heimasíðu brautarinnar: http://www.gokartsorihuelacosta.com/

Pola Park skemmtigarðurinn er í Santa Pola, milli Torrevieja og Alicante. Þar er að finna ókeypis skemmtun sérstaklega fyrir yngstu kynslóðina. Hoppurólur, hoppukastalar, klessubílar, bátar, rennibrautir, minigolf og margt fleira. Nánari upplýsingar á heimasíðu garðsins: http://www.polapark.com/ingles/

Rio Safari dýragarðurinn er á milli Santa Pola og Elche. Þar er að finna margar tegundir villtra dýra en einnig er þar að finna ýmsar aðrar tegundir af dýrum og er jafnvel hægt að fá að gefa þeim að borða.
Nánari upplýsingar á heimasíðu garðsins: http://www.riosafari.com/

Safari Aitana dýragarðurinn: Rétt norðan Alicante, á leið til Benidorm, er Safari Aitana dýragarðurinn, ca 45 mín keyrsla upp í fjöllin. Til þess að komast að honum er best að fara áleiðis til Villajoyosa og þaðan til Sella. Fylgjast svo merkingum sem visa á garðinn. Það er gaman að sitja í bíl og keyra í gegnum dýragarð þar sem villt dýr eru á sveimi. Bannað er að fara út úr bílunum og það borgar sig ekki heldur að hafa rúðurnar opnar. Þarna eru líka svæði þar sem hægt er að ganga um og komast í snertingu við dýrin og jafnvel gefa þeim að borða.. Einnig er þarna skemmtilegur leikvöllur fyrir krakka. Þetta er góður fjölskyldugarður sem gaman er að heimsækja.
Nánari upplýsingar á heimasíðu garðsins: http://www.safariaitana.com/


Terra Mitica skemmtigarðurinn: Rétt við Benidorm er að finna Terra Mitica skemmtigarðurinn. Hann er stærsti skemmtigarður á Spáni og þar eru mikið af frábærum leiktækjum og ýmsar sýningar í gangi allan daginn. Garðurinn er svo stór að það dugar varla dagurinn til þess að prófa og skoða allt sem í boði er. Hann er hreint út sagt ótrúlega fjölbreyttur og má segja að það sé skylda fyrir alla þá sem hafa gaman af spennu og ævintýrum að eyða þar a.m.k. einum degi þar.
Nánari upplýsingar á heimasíðu garðsins:
http://www.terramiticapark.com/index.asp?idioma=_ing

Terra Natura ævintýragarður: Við hliðina á Terra Mitica er annar frábær garður sem heitir Terra Natura og er mikill ævintýragarður. Í þessum garði er hægt að kynnast lífinu til forna í Ameríku, Asíu og Evrópu auk þess sem þarna er eftirlíking af Pangea sem er talið að hafi verið risastór heimsálfa sem samanstóð af öllum núverandi heimsálfunum. Þarna eru sett á svið eldgos, náttúruhamfarir, sýnd dýr sem löngu eru útdauð o.fl. Einnig er lítill vatnsrennibrautagarður þar sem hægt er að leika sér að vild. Garðurinn er svo stór að það tekur allan daginn að skoða allt sem í boði er.
Nánari upplýsingar á heimasíðu garðsins:
http://www.terranatura.com/Eng/Inicio/Index.aspx

Söfn

Saltsafnið (Museo del Mar y de la Sal de Torrevieja) – Þjált og gott nafn en þetta safn er í raun mjög forvitnilegt enda er svæðið hér, Torrevieja og Orihuelo, þekkt fyrir mikil saltvötn og vinnslu úr þeim. Opið 10 – 13 og 17 – 20 alla daga nema mánudaga. Aðgangur ókeypis.

Páskasafnið (Museo Semana Santa) – Þeir sem þvælast um Spán í Páskavikunni vita að þarlendir taka þá hátíð alvarlega. Á þessu litla safni má sjá það safn muna sem menn þvælast um með í göngum þá daga til að minnast fórnar Jesú Krists. Opið 10 – 19 alla daga nema sunnudaga og lokað í Páskavikunni sjálfri.


Snorkling / köfun

Mjög vinsælt er hjá köfurum að kafa í fagurbláum sjónum og skoða fjölbreytt
Neðansjávarlífið. Nokkrar leigur eru í Torrevieja eins og Max Scuba Diving. Sjá nárnari upplýsingar á heimasíðu: http://maxscubadiving.com/

Costa Blanca Diving
Address: Playa Acequión, no number
Phone: 965 710 112
Scubaworld, Playa Flamenca, Orihuela Costa, Tel: (+34) 667057640
Email: [email protected]
Web: www.divecostablanca.com
Sailing School. International Marina. 


Áhugaverðir staðir
Murcia ( 45 min akstur) er gömul og falleg borg. Þar er einstaklega falleg Dómkirkja með miklum fjölda listaverka. Þar er hið víðfræga Salzillo-safn sem er tréskurðar- og málverkasafn með verkum frá síðustu 500 árum. Þar er einnig Museo de la Belle Artes þar sem allir frægustu listmálarar Spánverja eiga verk. Eftir að hafa skoðað þessa staði sem eru allir í göngufæri hver við annan í miðborginni, þá er einstaklega skemmtilegt að setjast niður á torginu við kirkjuna, fá sér hressingu og skoða mannlífið.

Elche af mörgum kölluð pálmatrjáaborg Evrópu. Þar eru margar milljónir af pálmatrjám út um alla borg. Þar er verulega fallegur Lystigarður með mikið af gróðri, styttum, listaverkum og leiktækjum fyrir börn. Í garðinum er á nokkurra tíma fresti, 10 min myndbandssýning þar sem allir athyglisverðustu staðir í borginni og nágrenni eru kynntir. Sérstaklega er vert að benda á Dómkirkjuna sem er 400 ára gömul og prýdd fjölda listaverka og gersema. Mjög gaman er að fara upp þröngan hringstiga upp á tæplega 50 metra háan klukkuturninn þar sem ótrúlegt útsýni er yfir borgina.

Orihuela ( 20 min akstur) er fallegur gamall smábær rétt hjá Elche. Þar er Panalcalva-höllin sem er virkilega falleg og er einn af þeim stöðum sem þeir sem koma á svæðið mega alls ekki sleppa að skoða. Einnig er Dómkirkjan í bænum glæsileg eins og í raun allar kirkjur á svæðinu. Í bænum er mikið um þröngar götur með fjölda búða og veitingastaða og er það mikil upplifun að þvælast þar um.

Rojales er smábær um 10 km norður af Torrevieja (inn í landið). Í hlíðinni fyrir ofan bæinn er að finna svokallaða listamannahella. Þar hafa listamenn grafið sér nokkurs konar hella inn í hlíðina og útbúið sér þar vinnustofur og jafnvel heimili. Hægt er að fá að fara inn í flestar vinnustofurnar og skoða verk listamannanna. Einnig er þar mjög áhugavert hús sem er alþakið skeljum og litlum flísum bæði að utan og innan sem gaman er að skoða. Hægt er að kaupa minjagripi og fá sér veitingar á nokkrum stöðum í þorpinu.

Alicante hefur upp á margt athyglisvert að bjóða. Vert er að benda fólki á að rölta um götuna niður við sjóinn og skoða allan þann mikla fjölda af skemmtisnekkjum og bátum sem þar eru. Yfir borginni gnæfir Santa Barbara-kastalinn sem nauðsynlegt er að skoða og að auki er þar einstakt útsýni yfir borgina og allt svæðið í kring. Einnig eru margir aðrir athyglisverðir staðir sem vert er að skoða.

Busot, lítill smábær upp í fjallshlíðinni um 20 km fyrir norðan Alicante. Þar fyrir ofan í fjöllunum er að finna einstakan dropasteinahelli, Caves de Canalobre. Farið er inn í fjallið og það er mikil upplifun að skoða þennan margfræga hellir. Þaðan er frábært útsýni í góðu skyggni.

Guadalest er skammt norðan við Benidorm og er lítið fjallaþorp. Þorpið hefur verið varðveitt í sinni upprunalegu mynd að mestu. Þar er hægt að skoða 300 ára gamalt gríðarlega stórt hús sem var heimili Ordeu-ættarinnar í margar aldir. Þar inni er búið að koma upp eins konar minjasafni með alls kyns húsgögnum, listaverkum og áhöldum frá þessum tíma. Einnig er smámunasafn (þarf að nota stækkunargler til að sjá lystaverkin) sem er einstaklega áhugavert að skoða. Hægt er að ganga upp á hæðina fyrir ofan húsið og horfa þaðan yfir þorpið og dalina í kring. Mikill fjöldi af minjagripaverslunum er í þorpinu sem og fjöldi veitingastaða þar sem hægt er að setjast niður og fá sér hressingu.

El De Algar fossarnir eru einstaklega notalegur staður að koma á. Gaman er að ganga upp með fossunum og ánni og þar er stór hylur sem hægt er að stökkva út í af stökkbretti og taka sundsprett. Þessi staður er á leiðinni frá Benidorm og að Guadalest.

Altea er fallegur bær skammt frá Benidorm. Þar uppi á hæðinni er að finna mjög fallega kirkju sem vert er að skoða og gaman er að þræða þröngar göturnar þarna uppi á hæðinni. Fjöldi listaverkabúða er í þessum götum og nokkrir góðir veitingastaðir. Á veitingastaðnum Oustau er frábær þjónusta og mjög góður matur.


Golfvellir

Það má með sanni segja að Costa Blanca svæðið sé draumur golfarans vegna þess að þar er mikill fjöldi frábærra golfvalla þar sem allir golfarar geta fundið skemmtilega velli við sitt hæfi. Margir vallanna á svæðinu eru glæsilega hannaðir, þar sem fer saman fallegt landslag, mikill trjágróður og ótrúlegar vatnshindranir. Tveir þekktustu golfarar Spánar, Seve Ballesteros og Jose Maria Olazabal hafa tekið þátt í hönnun margra þeirra. Vellirnir eru mjög mismunandi , opnir, þröngir, stuttir, langir og því einkar skemmtilegt að spila á sem flestum til að fá sem mesta fjölbreytni.

Það eru 3 mjög þekktir golfvellir í innan við 15 km fjarlægð frá Torrevieja, Campoamor, Las Ramblas og Villamartin. Í um 30 km fjarlægð eru vellirnir La Finca, Roda, Mosa Trajectum og La Serena.


Frábær Golfbúð er í um 5 km sunnan við Torrevieja. Þar er hægt er að kaupa mest allt til golfiðkunar. Þar er hægt að panta tíma á teig á öllum völlum á svæðinu með afslætti og einnig hægt að leigja golfsett. Þjónusta golfbúðarinnar er til mikillar fyrirmyndar.

Campoamor: 18 holur, par 72, 6203 metrar.
Skemmtilegur sveitavöllur sem liggur í tveimur dölum sem gerir það að verkum að það er yfirleitt logn á vellinum. Völlurinn er frekar opinn og því hægt að slá langt á honum en flatirnar eru mjög hraðar sem gerir hann erfiðan. Glæsilegt klúbbhús er við völlinn og þar er að finna gott veitingahús. Ívar Hauksson íslenskur golfkennari starfar á þessum velli.
Nánari upplýsingar: http://www.lomasdecampoamor.com/

Las Ramblas: 18 holur, par 72, 5914 metrar.
Mjög erfiður völlur þar sem brautirnar eru þröngar með miklum trjágróðri í hæðóttu landslagi. Mikið er um vatnshindranir sem gera golfurum erfitt um vik. Þetta er völlur sem golfarar annað hvort elska eða hata. Eitt er víst að það er nauðsynlegt að vera með nóg af golfkúlum.
Nánari upplýsingar: http://www.grupoquara.com/golf_las_ramblas_en.asp

Villamartin: 18 holur, par 72 6132 metrar.
Erfiður völlur í hæðóttu landslagi sem reynir mjög á hæfni golfarans og er óhætt að segja að það þurfi að nota allar kylfurnar í pokanum. Þessi völlur hefur verið notaður á Evrópsku mótaröðinni.
Nánari upplýsingar: http://www.grupoquara.com/golf_las_ramblas_en.asp

La Finca: 19 holur, par 72, 6394 metrar.
Nýr völlur sem er sennilega einn skemmtilegasti völlurinn á svæðinu. Erfiðar vatnshindranir, þúsundir pálmatrjáa og fjölbreytilegt landslag gera það að verkum að þetta er völlur sem allir alvöru golfarar verða að spila á. Flötin á sjöundu braut er umkringd glompum, fimmta og sjötta braut liggja meðfram fallegu vatni og það eru nokkrir fossar á vinstri hönd sem setja mikinn svip á völlinn.
Nánari upplýsingar: http://www.grupoquara.com/golf_la_finca_en.asp

Roda: 18 holur, par 72, 6077 metrar.
Mjög fallegur völlur í glæsilegu landslagi. Skemmtilegasta brautin er sú sjöunda en þar er flötin á eyju sem er alveg umkringd vatni og það eru bara fjórar brautir sem eru ekki með vatnshindrunum.
Nánari upplýsingar: http://www.rodagolfcourse.com/PUPresentacionCampoGolf.aspx

Mosa Trajectum: 27 holur, 3 x 9 holur og stuttur kennsluvöllur.
Þarna er í raun hægt að spila þrjá mismunandi velli sem eru fjölbreyttir og skemmtilegir. Mikið er af trjám og vatnshindrunum sem gera völlinn mjög áhugaverðan. Fyrir nokkrum árum var lokamót Evrópumótaraðarinnar á þessum velli.
Nánari upplýsingar: http://thekey.es/en/golf/

La Serena: 18 holur, par 72, 6168 metrar.
Þessi glæsilegi völlur hefur þá sérstöðu að hann er alveg niður við Costa Blanca ströndina við bæinn Las Alcazares. Mikill trjágróður er á vellinum, stórar og erfiðar glompur og sérstaklega stórar flatir þar sem sú stærsta er meira en 100 fermetrar. Glæsilegt klúbbhús er við völlinn og þar er mjög gott veitingahús.
Nánari upplýsingar: http://www.serenagolfclub.es/

Upplýsingar um aðra golfvelli á svæðinu er að finna á eftirfarandi síðum:
http://www.bookyourgolf.net/Spain_Golf_Courses/CostaBlanca.htm
http://www.playgolfinspain.com/courses.htm
http://www.greatgolf.com/
http://www.autogolfspain.com/golf-search-results.asp?regionid=3

Svefnherbergi: 2 Baðherbergi: 1 Með húsgögnum Raðhús 0 m2 Svefnpláss fyrir: 52 gesti Lágmarksdvöl: 1 nætur FDA-315416